بەپێی سەرچاوەکانی رۆژنامەی «الشرق الأوسط»، هەماهەنگی ئەمنی و سیاسی لە نێوان حکومەتی عێراق و هەرێمی کوردستان لە زیادبووندایە، چونکە لە ئێستادا هەولێر پشتگیری لە هەوڵەکانی بەغدا دەکات بۆ کۆنتڕۆڵکردنی چەک لە دەست دەوڵەتدا.
سەرچاوەکان ئاماژەیان بەوە کردووە،کە سەردانی چەند ڕۆژی ڕابردووی نێچیرڤان بارزانی، سەرۆکی هەرێمی کوردستان بۆ دیمەشق، کاریگەری هەبووە لە کەمکردنەوەی نیگەرانییە هاوبەشەکانی نێوان بەغدا و دیمەشق لەسەر پرسە سیاسی و ئەمنییەکان.
هەروەها بارزانی پەیامی نێوان سەرۆکوەزیرانی عێراق عەلی زەیدی و سەرۆکی سووریا ئەحمەد شەرعی گواستووەتەوە و ڕێگەی بۆ ئەگەری سەردانی عەلی زەیدی بۆ دیمەشق ڕەخساندووە.
