كەشناسێك پێشبینی دەكات ئەمڕۆ سێشەممە لە تەواوی هەرێم بارانی بەخوڕ ببارێت و ئەگەری لافاو لە هەندێ شوێن لە ئارادایە، هەر ئەو كەشناسە دووپاتی كردەوە كە دوو شەپۆلی جەمسەری لەسەر هەرێم لەنگەر دەگرن و ئەگەری درووست بوونی سوپەر سێڵ هەیە.
دەشڵێت لە ئێستادا لە سنوری پارێزگای سەڵاحەدین بارستە هەورێکی سوپەرسێڵ دروستبووە و جوڵەکردنی لە کاتەکانی داهاتوودا بەئاراستەی ناوچەکانی باکور و رۆژئاوای گەرمیان و سنوری پارێزگای سلێمانی و ناوچەکانی نێوان سلێمانی و کەرکوکە و هەولێریش لەو برانە بێبەش نابێت.''
وتیشی'' هەورەکە هەورە بروسکەی توند و تەرزە و بارانی بەهێزی لەگەڵدایە لە ئێستاوە بەگشتی ناجێگیری کەش و هەوا بەهێزتر ئەبێت بەهۆی سەرکەوتنی زیاتری هەوای شێدار لەباکوری دەریای سوورەوە بۆ سەر ناوچەکانی هەرێمی کوردستان ''.
پلەکانی گەرما بە پێی پێشبینییەکانی کەشناسی بەم شێوەیە:
هەولێر: ١٥ پلەی سیلیزی
سلێمانی: ١١ پلەی سیلیزی
دهۆک: ١٣ پلەی سیلیزی
زاخۆ: ١٢ پلەی سیلیزی
کەرکووک: ١٦ پلەی سیلیزی
هەڵەبجە: ١٣ پلەی سیلیزی
سۆران: ٩ پلەی سیلیزی
ئاکرێ: ١٥ پلەی سیلیزی
ئامێدی: ٨ پلەی سیلیزی
گەرمیان: ١٧ پلەی سیلیزیa
