لە ساڵیادی روخانی رژێمی بەشار ئەسەد مەزڵوم عەبدی سەرۆكی هێزەكانی سووریای دیموكرات پابەند بوونی خۆیانی بەرێكەوتنەكەی لەگەڵ دیمەشق دووپات كردەوە و داوای سووریایەكی دیموكرات و نانناوەندی دەكات.
مەزڵوم عەبدی، بەبۆنەی ساڵیدای ڕووخانی ڕژێمی بەشار ئەسەد، لە پێگەی '' ئێکس'' بڵاویکردەوە'' پابەندبونی جێگیرمان بە ڕێککەوتنی ١٠ی ئازار وەک بناغەیەک بۆ بونیادنانی سوریایەکی دیموکراسی و نا ناوەندی و یەکگرتوو دووپات دەکەینەوە، کە بە بەهاکانی ئازادی و دادپەروەری و یەکسانی بەهێزکراوە.''
وتیشی'' پیرۆزبایی ئەم یادە لە گەلی سوریا دەکەین، کە ئیرادەی سورییەكان دووپات دەکاتەوە بۆ بونیادنانی داهاتوویەک لەسەر بنەمای دادپەروەری، سەقامگیری، هاوبەشی و پاراستنی مافی هەموو پێکهاتەکانی.''
هەروەها، جەختیکردەوە لەوەی، قۆناغی ئێستا بەرپرسیارێتی هاوبەشی نیشتمانی و دیالۆگێکی هەمەلایەنە بەسەر هەموو لایەکدا دەسەپێنێت، کە بەرژەوەندی گەلی سوریا لە سەرووی هەموو شتێکەوە دادەنێت.
