سەنتەری میترۆ بۆ داکۆکی لە مافی ڕۆژنامەنووسان ڕایدەگەیەنێت، کارەساتی لافاوەکەی ئەم دواییەی چەمچەماڵ، کەلار، و ناوچەکانی تری گەرمیان، نابێت بکرێتە بۆنەیەک بۆ دەستکەوتی سیاسی یان دەرخستنی رقی حزبی. سەنتەرەکە داوا لە میدیا دەکات بە شێوەیەکی پیشەیی مامەڵە لەگەڵ دۆخەکە بکات و جیاوازی بکات لە نێوان هاوپشتی لێقەوماوان و بانگەشەی حزبی.
ئەرکی میدیا لە کاتی کارەساتدا
میترۆ جەخت دەکاتەوە کە ئەرکی سەرەکی میدیا لە کاتی کارەساتێکی وەک لافاودا بریتییە لە:
* پێدانی زانیاری: سەبارەت بە گۆڕانکارییەکانی کەشوهەوا، ڕێڕەوەکانی لافاو، و مەترسییەکانی سەرهەڵدانەوەی.
* هۆشیارکردنەوە: هاوڵاتیان لەبارەی مەترسییەکان و ڕێکارەکانی خۆپارێزی.
* ئاسانکاری پەیوەندی: دروستکردنی پردی پەیوەندی نێوان هاوڵاتیانی زیانلێکەوتوو، دەزگا فەرمییەکان، و ڕێکخراوە خێرخوازییەکان.
* دەستنیشانکردنی پێداویستییەکان: گەیاندنی دەنگی خەڵکی زیانلێکەوتوو سەبارەت بە پێداویستییە سەرەکییەکانیان.
سەنتەری میترۆ بە توندی ڕەخنە لە بەکارهێنانی گوتاری سیاسی بێزارکەر و دووبارەی سەردەمی هەڵبژاردنەکان دەگرێت و بە پێشێلکردنی ئەخلاقی ڕۆژنامەوانی و بە "بێ بایەخکردنی ئازارەکانی خەڵک"ی لێقەوماو ناوی دەبات.
میترۆ: "بەکارهێنانی ئەم کارەساتە مرۆییە بۆ قازانجی حزبی یان ئەجێندای سیاسی، تەنیا پێشێلکردنی ئەخلاقی ڕۆژنامەوانی نییە، بەڵکو بێ بایەخکردنی ئازارەکانی خەڵکی لێقەوماوە."
داواکاری بۆ حکومەت
لە بەشێکی تری ڕاگەیاندنەکەدا، میترۆ داوا لە حکومەتی هەرێمی کوردستان دەکات "بە بەرپرسیارێتی تەواوی خۆی هەستێت"، بە تایبەت لەبەر ئەوەی پێشبینی شەپۆلی تری بارانی بەخوڕ دەکرێت.
* ئێستا کاتی: کاری مەیدانی، هەماهەنگی کاریگەرە، نەک خۆدزینەوە، پاساو هێنانەوە، یان موزایەداتی سیاسی.
* دۆخەکە دەرخەری: ئەو کارەساتە مرۆییە، دۆخی ژیانی توێژێکی پەراوێزخراو و بێ مافی لە ناوچەکەدا دەرخست.
لە کۆتاییدا، سەنتەری میترۆ بە ڕێزەوە دەڕوانێتە کەمپین و هەوڵی ڕێکخراوە خێرخوازییەکان بۆ بەهاناوەچوونی لێقەوماوان.
سەبارەت بە لیژنەی فریاگوزاری
میترۆ ئاماژە بە پێکهێنانی کۆمسیۆنی فریاگوزاری و بوژانەوەی مرۆیی چەمچەماڵ دەکات کە لەلایەن ، جێگری سەرۆک وەزیرانی هەرێمی کوردستانەوە پێکهێنراوە بۆ کۆنترۆڵکردنی قەیران، قەرەبووکردنەوە، دەستنیشانکردنی کەمکوڕییەکان و لێپرسینەوە.
سەنتەرەکە داوا لە ڕۆژنامەنووسان دەکات کە هاوئاهەنگی لەگەڵ ئەم کۆمسیۆنە بکەن وەک سەرچاوەیەکی فەرمی لەم دۆخەدا.
