لە کۆنگرەیەکی ڕۆژنامەوانیدا قوباد تاڵەبانی جێگری سەرۆکی حکومەتی هەرێمی کوردستان ڕایگەیاند، کاردەکەین بۆ ئەوەی مووچەی مانگەکانی 11 و 12ی مووچە خۆرانی هەرێم نەفەوتێ و دڵنیایشدا کە نافەوتێ.
لێدوانەکەی قوباد تاڵەبانی لەکاتێکدایە لە کۆتا مانگی ساڵی 2025داین کەچی تاکو ئێستا سێ مووچەی ئەمساڵی فەرمانبەرانی هەرێم لەلای بەغدایەو تەنها مسۆگەر کردنی یەک مووچەی کراوە.
دوێنێش فازڵ نەبی بریکاری پێشوتری وەزارەتی دارایی عێراق، هۆشداریدا لە فەوتانی مووچەی مانگەکانی 11 و و 12ی ئەمساڵ، هاوکات هەر دوێنی شێروان میرزا ئەندامی لێژنەی دارایی خولی پێشووی پەرلەمانی عێراق، ڕایگەیاند ، خەرج کردنی مووچەی ئەو دوو مانگە جوڵەیەکی بەهێزی سیاسی دەوێت.
