باڵیۆزخانەی ئەمریکا، ئامادەیی ئەمەریكای پیشاندا بۆ جێگیرکردنی سیستەمی بەرگری لە هەولێر.
جۆشوا هاریس، ڕایگەیاند'' بە جیدی و خێرایی لەگەڵ هاوبەشەکانیان لە هەولێر و بەغدا کار دەکەن بۆ جێگیرکردنی سیستمی بەرگری.''
وتیشی'' جێگیرکردنی سیستەمەکە بە مەبەستی پاراستنی ژێرخانی هەستیاری هەرێمی کوردستان لە هێرشەکان.''
ئەو بەرپرسە داوا لە عێراقیش دەکات رووبەڕووی پارەدارکردنی نایاسایی و دزینی سامانی عێراق ببنەوە.
ئەمە لەکاتێکدایە، ٢ی ئەم مانگە، بە مووشەک هێرشکرایە سەر کێڵگەی گازی کۆرمۆر لە چەمچەماڵ، بەو هۆیەوە بەرهەمهێنانی گاز لە کێڵگەکە و هەناردەی گاز بۆ سەرجەم وێستگەکانی کارەبا ڕاگیران، بووە هۆی پچڕانی زیاتر لە ٨٠٪ـی کارەبای هەرێمی کوردستان و بەشێک لە پارێزگاکانی عێراق.
هاوکات، هەر لە چەند مانگی ڕابردودا، چەندین جار لە ڕێگەی فڕۆکەی بێفڕۆکەوانەوە هێرش کرایە سەر کێڵگە نەوتییەکانی هەرێمی کوردستان.
