وەزارەتی پیشەسازی و تەکنەلۆجیای زانیاری چین ڕایگەیاند کە کەرتی ئینتەرنێت و خزمەتگوزارییە پەیوەندیدارەکان لە چین لە ماوەی دە مانگی یەکەمی ئەمساڵدا گەشەیەکی بەردەوامی بەخۆیەوە بینیوە. کۆمپانیا گەورەکانی ئینتەرنێت و خزمەتگوزارییە پەیوەندیدارەکان (کۆمپانیاکانی ئینتەرنێت) نزیکەی 1.62 تریلیۆن یوان (نزیکەی 228.83 ملیار دۆلاری ئەمریکی) داهاتیان لە کارەکانی ئینتەرنێت بەدەستهێناوە، کە لە چاو ساڵی ڕابردوودا بە ڕێژەی 1.1% زیادیکردووە. بەڵام ئەم ڕێژەیە گەشەکردنە بە بەراورد بە سێ چارەکی یەکەمی ئەمساڵ بە ڕێژەی ١.٧ خاڵ کەمیکردووە.
هاوکات قازانجی کۆی کۆمپانیا گەورەکانی ئینتەرنێت گەیشتە 123.7 ملیار یوان کە بەڕێژەی 10.9% کەمبووەتەوە لە چاو ساڵی ڕابردوودا. ئەم دابەزینە بە بەراورد بە سێ چارەکی یەکەم بە ڕێژەی ٢.٢ خاڵ کەمتر بووە.
وەزارەتەکە ئاماژەی بەوەشکردووە، کۆمپانیا گەورەکانی ئینتەرنێت بە کۆی گشتی ٨٦.١٧ ملیار یوان وەبەرهێنانیان لە توێژینەوە و پەرەپێدان کردووە، کە ساڵ لە دوای ساڵ بە ڕێژەی ٧.١% زیادیکردووە و ڕێژەی گەشەکردنەکەش بە بەراورد بە سێ چارەکی یەکەم بە ڕێژەی ٠.٥ خاڵ بەرزبووەتەوە.
